საერთაშორისო განაცხადი (PCT)

გამოგონების დაცვა პატენტით საზღვარგარეთ შესაძლებელია რამდენიმე გზით:

1. საპატენტო განაცხადის შეტანა ერთდროულად შესაბამისი ქვეყნების ეროვნულ (ან რეგიონულ) უწყებებში;

2. საპატენტო განაცხადის შეტანა პარიზის კონვენციის მონაწილე ერთ-ერთი ქვეყნის ეროვნულ უწყებაში და შემდგომ 12 თვის განმავლობაში კონვენციის დანარჩენი ქვეყნების ეროვნულ (ან რეგინულ) უწყებებში პრიორიტეტის მოთხოვნით პირველ ქვეყანაში წარდგენილ განაცხადზე;

3. საერთაშორისო (PCT) განაცხადის შეტანა PCT მიმღებ უწყებაში და ეროვნულ ფაზაში შესვლა ყველა იმ ქვეყანაში, სადაც სასურველია პატენტის მიღება, რაც წარმოადგენს ყველაზე მოსახერხებელ და ეკონომიურ ვარიანტს წინა ორთან შედარებით.

საერთაშორისო განაცხადი და შეთანხმება საპატენტო კოოპერაციის შესახებ PCT

PCT არის საერთაშორისო შეთანხმება, რომელიც აერთიანებს 150-ზე მეტ მონაწილე ქვეყანას და მის ადმინისტრაციულ ფუნქციას ასრულებს ინტელექტუალური საკუთრების მსოფლიო ორგანიზაცია (ისმო), პარიზის კონვენციის წევრი ქვეყნების შეთანხმებით. PCT იძლევა საშუალებას მოითხოვოთ გამოგონებაზე პატენტის დაცვა ერთდროულად ბევრ ქვეყნაში ერთი საერთაშორისო საპატენტო განაცხადის წარდგენის (შეტანის) გზით, რამდენიმე ცალკეულ ეროვნულ ან რეგიონულ საპატენტო უწყებაში განაცხადის შეტანის ნაცვლად. საერთაშირისო განაცხადი არ ითვალისწინებს „საერთაშირისო პატენტის“ გაცემას. პატენტის გაცემა ხორციელდება ეროვნული ან რეგიონული საპატენტო უწყებების მიერ ე.წ. ეროვნული ფაზის გავლით.

PCT პროცედურა ითვალისწინებს განაცხადის განხილვის ორ ფაზას - საერთაშორისო ფაზას და ეროვნულ ფაზას.

დამატებითი ინფორმაცია PCT სისტემის შესახებ

https://www.wipo.int/pct/en/