საქართველოს ფარგლებს გარეთ დაცვის მოსაპოვებლად თქვენ შეგიძლიათ თქვენი დიზაინი დაარეგისტრიროთ ევროკავშირის (EC) ყველა წევრ სახელმწიფოში და ასევე სხვა სახელმწიფოებშიც. დიზაინების საერთაშორისო რეგისტრაციის ჰააგის სისტემა წარმოადგენს საერთაშორისო ცენტრალიზებული რეგისტრაციის სისტემას, სადაც თქვენ შესაძლებლობა გაქვთ ერთი განაცხადის წარდგენით 100-მდე დიზაინისთვის მოითხოვოთ დაცვა 60-ზე მეტ სახელმწიფოში, ამასთან ეს წარდგენა გამოიყენოთ პრიორიტეტის მოთხოვნისათვის განაცხადის შემდგომი შეტანის შემთხვევაში.
საქართველო არის ჰააგის შეთანხმების 1960 წლის (ჰააგის) და 1999 წლის (ჟენევის ) აქტის წევრი. ჰააგის სისტემის ფარგლებში საერთაშორისო განაცხადის წარდგენა შეუძლია საქართველოს ნებისმიერ ფიზიკურ თუ იურიდიულ პირს. საერთაშორისო განაცხადის წარდგენის, დაცვის გეოგრაფიული ფარგლების და საფასურების შესახებ ინფორმაციის მისაღებად უნდა ეწვიოთ ვებ-გვერდს: http://www.wipo.int/hague/en.
